ميني فتة شاورما

نبدأ بكوب ونصف رز بسمتي منقوع، بشوحه في معلقة سمنة، واضيف له الملح، وشوية كركم عشان اللون، وانزل عليه بثلاث كوبايات مية سخنة، أغطي على الرز، وأول مايشرب ميته، هنقله على عين صغيرة على نار هادية وأسيبه يستوي

اسلق الفرّاخ (أحب أجمده عشان أقدر اقطعه شرائح رفيعة)

عمل التتبيلة بكيس تتبيلة الشاورما من شيفي ميكس، واضيف للكيس فنجان ماء، وثلاثة أربع معالق زيت

انزل بالتتبيلة على الفرّاخ، واقلبه فيها كويس، وأسيبها أقل حاجة نص ساعة

احط الفرّاخ في صنية، وأدخلها تحت الشواية، أقلّب فيها كل شوية

للصلصة، هحتاج علّبتين زبادي، ومعلقتين طحينة، وفصّين ثوم، ورشة ملح، أقلّبهم كويس وأشيّلهم على جنب

أجيب العيش اللبناني، وأقطّعه دوائر، وأرصّه في صينية الكب كيك، وأدخلهم الفرن يتحمّصوا

نحط الرز، و صلصة الفتّة، والشاورما، وممكن دبس رمان